ارجوكم تقروا الموضوع ده

[size=12]السلام عليكم ورحمة الله وبركاته
سامحونى فى كلامى وياريت محدش يزعل مني
ياترى أخباركم ايه
والغرور في قلوبكم نسبته ايـه؟؟؟؟؟؟
والايمان بأه شكله إيه ؟؟؟؟؟؟
ياترى الإحساس عااااااااااالي
ولا نص نص
ولا مبئاش في إحساس
عايزين تعرفوا إيمانكم وصل لإيه
قوي ولا ضعيف
اقعد مع نفسك شويه
وشوف قلبك من جوا كده
ياترى لسه فيه غرور بأي شكل من الأشكال
بصيت على نفسي وعلى الناس اللى حواليا
وعلى الدنيا دى
ليه كل واحد بيتغر في نفسه
وليه لما تعلوا أكتر وأكتر الغرور يزيد
بذمتك مش التواضع هو اللى هيرفعك أكتر وأكتر
ده كلام ربنا مبجبش حاجه من عندي
قال الله :
"لا يدخل الجنة من كان في قلبه مثقال ذرة من كبر ، فقال رجل : إن الرجل يحب أن يكون ثوبه حسنا ونعله حسنا ، قال : إن الله جميل يحب الجمال ، الكبر بطر الحق وغمط الناس" ... رواه مسلم
بطلوا غرور بأه كل واحد شايف نفسه وزى مايكون محدش أده
ونسيتوا أصلكم ومكانكم
تحبوا افكركم بأصل كل واحد فيكم
أصلكم من تراااب
ومكانكم الأصلي الجنة
مش عايزين ترجعوا لأصلكم وتنسوا اللى انتوا فيه ده
لا ياجماعه كفايه لحد كده
لازم نرجع لربنا
لازم حب ربنا يملى قلوبنا بجد مش كلام
مينفعش كل حد فينا يقول أنا بحب ربنا وهو بيعصيه
رغم ان كلمه واحده بس هى اللى هترجعك لمكانك الاصلى
عارفين هي ايه
حاضر
أيوه كلمة حاضر
عايزك انتى تتحجبي عشان خايف عليكى
بيعفك
عايز يلبسك ثوب العفاف
وانتى تقولى لا
اووووووعي
كلمة لأ دي هتودى لمكان تانى ربنا يعفو عنا ياااارب
احنا قولنا ان الكلمه اللى هترجعنا لأصلنا ان شاء الله
"حاااااضر"
يعنى ربنا قال اتحجبى
قولى "حاضر يارب"
بس مش أي حاضر
حاضر باللي أمرنا بيه
مش نغطي الشعر والباقى أي كلام ونجرى ورا الموضه
والشيطان يحلى كل حاجه فى عينك ويحللهالك رغم انك عارفه وواثقه انها حرااام
مينفعش يا بنات أمة محمد
اللهم ألبسنا ثوب العفاف ولا تنزعه منا أبداااااا ياااااارب
قالك متكذبش قوله حاضر
بس مش كلام
حاضر يعنى حاضر
مش لما تقع في مشكه وتلاقي اللى هينجيك انك تكدب تقوم تكدب وتنسى كلمة حاضر
ولو الكدب نجاك فى الدنيا مين هينجيك فى الآخره غير رحمة ربنا
احنا لازم نرجع تانى أنا وانت وانتي واهالينا وصحابنا
لازم نفوووووووووق
ونخرج من الدوامه دى
مش عايزين الدنيا تاخدنا وتلهينا عن ذكر حبيبنا اللى خلقنا
حب ربنا ده موجود في قلوبنا بالفطره
بس احنا اللى بنضيع الاحساس ده بحاجات هايفه متستاهلش
قال الرسول صلى الله عليه وسلم :
"إن الله إذا أحب عبداً دعا له جبريل ، عليه السلام ، فقال : إني أحب فلانا فأحبه ، قال: فيحبه جبريل ، ثم ينادي في السماء فيقول : إن الله يحب فلانا فأحبوه ، فيحبه أهل السماء ، قال : ثم يوضع له القبول في الأرض ......... "
شوفت كل خلق الله هيحبك عشان ربك بيحبك
طب شوف ربنا بيعمل عشاننا ايه
قال الرسول صلى الله عليه وسلم:
"ينزل ربنا إلى سماء الدنيا كل ليلة ، حين يبقى ثلث الليل الأخير ، فيقول من يدعوني فأستجيب له ، من يسألني فأعطيه ، من يستغفرني فأستغفر له" .
ربنا اللى بينزل لعباده
عشان اللى عايز حاجه يعملهاله
ولو أجل دعوتك وطلبك يبقى عشانك انت
يا اخي يمكن يكون بيعلمك الصبر
ولا توقيت الحاجه دى مش دلوقتى وهو علام الغيوب
يمكن ذنوبك كتيره وسايبك عشان تقربله وتترجاه وتستغفره
يمكن هيكافأك بيها في الآخرة
مكسلين تدعوا
ياجماعه ادعوا كتييير حتى لو ربنا مستجبش لدعوتك
ادعوا وكونوا واثقين من كلام رب العالمين
ليه لما كبرتوا قلوبكم بئت قاسيه ونسيتوا اللى خلقكم وسخر لكم كل حاجه
"ثم قست قلوبكم من بعد ذلك فهي كالحجارة أو أشد قسوة"
يااااااه والله لما بحس في أى لحظه بقسوه جوايا بفتكر الآيه دي
وقتها بجد بموت من جوايا زى مايكون ربنا بيفكرنى بكلامه
والله بتصعب عليا نفسي وبيصعب عليا حال الناس اللي في الدنيا
معقول ياجماعه
احنا فين من كل ده
قولوا حاااااااضر يارب
هنطيعك يااااااارب
وقولوا كل اللى في قلوبك
واشكروا ربنا على كل النعم اللى انعمنا بيها
وقولوا ياااااارب أتمم علينا نعمتك
عارفين ايه تمام النعم
الجـنــــــه ان شاء الرحمن
بس قولوها بقلوبكم
نفسى نرجع كلنا لمكاننا الأصلي
ياجماعه انتوا كلكم أحسن مني مليووووون مرة
وصدقونى والله العظيم أنا أقل واحد فيكم في كل حاجه
وما أنا إلا مجرد عبد ضعيف لكن بحبكم في الله
بس بحب الخير ونفسي كلنا نجتمع على الخير واللى يقع فينا يلائي اللى يشده
لازم نفوق لنفسنا ونجاهد نفسنا
ربنا يرضى عني وعنكم جميعا
ويرزقنا حبه وحب من أحبه وحب كل عمل يقربنا إلى حبه
أسف جداااااااا انا عارف انى طولت أوي عليكم سامحونى
كلنا نرجع لمكانا الاصلي
ويكتبنا جميعا دلوقتى اننا من أهل الجنة
آميـــــــن يا أرحم الراحمين
والحمد لله رب العالميــــــــــــــــــــن
[/size]

» ارجوك اقرا الموضوع ده